උතුරු චීනයේ ෂැන්සි පළාතේ ගල්අඟුරු පතලේ සිදුවූ ගෑස් පිපිරීමෙන් මියගිය සංඛ්‍යාව 82ක් දක්වා ඉහළ ගොස් ඇති බව විදෙස් මාධ්‍ය වාර්තා කර තිබේ.
එමෙන්ම තවත් 9දෙනෙකු පමණ අතුරුදන් ව ඇති බවද වාර්තා වේ.
විදෙස් මාධ්‍ය වාර්තා කර තිබුණේ මෙම ගෑස් පිපිරීම සිදුවන අවස්ථාවේදී කම්කරුවන් 247දෙනෙකු පමණ එහි සේවයේ නිරතව සිටි ඇති බවය.
එමෙන්ම මුදාගැනීමේ මෙහෙයුම් තවදුරටත් ක්‍රියාත්මක වන අතර අදාළ සමාගමේ විධායක නිලධාරීන් අත්අඩංගුවට ගෙන ඇති බවද වාර්තා වේ.
චීනයේ ෂැන්සි පළාත, එරට ගල්අඟුරු පතල් කර්මාන්තයේ අගනුවර ලෙස සැලකේ.
චීනය වාර්තාගත වේගයකින් පුනර්ජනනීය බලශක්ති ධාරිතාවන් ස්ථාපනය කරමින් සිටියද, ඔවුන් තවමත් ලොව වැඩිම ගල්අඟුරු පරිභෝජනය කරන රට සහ විශාලතම හරිතාගාර වායු විමෝචනය කරන්නා වේ.
ජාතික පතල් ආරක්ෂණ පරිපාලනයේ නිල දත්තවලට අනුව, 2010 සහ 2025 අතර කාලය තුළ චීනයේ පතල් අනතුරු 3,000 කට වඩා සිදුවී ඇත.
පසුගිය මාසයේදී ද ෂැන්සි හි සින්ග්සියෑන් ප්‍රාන්තයේ ගල්අඟුරු පතලක වහලක් කඩා වැටීමෙන් පුද්ගලයන් සිව්දෙනෙකු මියගොස් ඇත.
